“Сократус Студио” ХХК-ийн санаачлагаар “Залуу судлаачдыг дэмжих сан” ТББ нийгмийн системийн инженерчлэлийн арга зүйд суурилсан “Гарааны бизнесийн экосистемийн жишиг загвар боловсруулах нь” судалгааны ажлыг 2020 оны 08 сарын 20-с эхлэн гүйцэтгэж байна.

Судалгааны баг "ТУС Солюшн" ХХК-ийн боловсруулсан ойлголт тодорхойлох хавтгайг ашиглан дараах ойлголтуудыг тодорхойлоод байна. Та бүхэн танилцаад ойлголт тус бүр дээр саналаа өгөөрэй.

1.  Инноваци гэдэг нь Мэдлэгүүдийг үүсгэх, уялдуулах замаар харьцангуй давуу талыг үүсгэж үнэ цэнийг бүтээх шийдлийн оюуны загвар 

2. Гарааны бизнес гэдэг нь Инновацид суурилсан бизнесийн оюуны загвар 

3. Бизнес: Тодорхой зорилгыг хэрэгжүүлэхэд шаардлагатай нөөцүүдийг харилцан тогтвортой нөхцөлөөр солилцох замаар үнэ цэнийг бүтээх үйл ажиллагаа

4. Экосистем гэдэг нь: Нэгдмэл зорилгыг хэрэгжүүлэхэд шаардлагатай синергистик хэв шинжийг бүрдүүлдэг, хүрээлэн буй орчиндоо тэнцвэртэй оршин тогтнох чадвартай, оролцогч талуудын харилцан уялдаатай үйлчлэлүүдийн нийлмэл систем.

5. Гарааны бизнесийн экосистем гэдэг нь: Инновацид суурилсан бизнесийн оюуны загварыг төрүүлэх, тогтвортой үйл ажиллагаа болгон хөгжүүлэх зорилготой,  хүрээлэн буй орчиндоо тэнцвэртэй оршин тогтнох чадвартай, оролцогч талуудын харилцан уялдаатай үйлчлэлүүдийн нийлмэл систем.

6. Гарааны бизнесийн экосистемийн зорилго: Инновацид суурилсан бизнесийн оюуны загварыг төрүүлэх, тогтвортой үйл ажиллагаа болгон хөгжүүлэх замаар оролцогч талуудад үнэ цэнийг бүтээх.