НӨАТ-ын тухай хуулийг 2015 онд шинэчлэн баталсан. Ингэснээр иргэд НӨАТ-ын буцаалт авдаг болсноос гадна сар бүр сугалаанд азаа үздэг болсон гэхэд хэлсдэхгүй.

НӨАТ-ын сугалаа явагдаж эхэлсэн цагаас хойш сугалаа шударга бус явагддаг тухай шүүмжлэл гарсан. Мөн сугалаанд нэг ч удаа азтан болж үзээгүй хүмүүсийн итгэл алдарч, “Сугалаа явуулахаа болих хэрэгтэй” гэх хандлага ч  бий болсон. НӨАТ-ын тухай хуулийг батлалцсан хүмүүс ч сугалаа явуулахаа болих нь зүйтэй гэж үзэх явдал ч гарсан байна. 

2020 оны эхний улирлын НӨАТ-ын буцаан олголтыг дөрөвдүгээр сараас олгож эхэлсэн байна. Үүнд нийт 860 мянган иргэн хамрагдаж, 40 тэрбум төгрөгийн буцаан олголт хийгээд байгаа аж.  

2020 оны 04 дүгээр сарын 18-ны 23:59 цагаас өмнө цахим татварын системд бүртгүүлсэн 26,654,629 баримт  хамрагджээ. Үүнээс 3 сая төгрөгийн 23, 1 сая төгрөгийн 268, 100 мянган төгрөгийн 2391, 30 мянган төгрөгийн 23742 баримт тохиролд таарч азтан болсон байна. 

1. Тэгвэл НӨАТ-ын буцаан олголтын өгөх нь хэр зөв шийдвэр гэж та хар байна вэ? 
2. НӨАТ-ын буцаан олголтын урамшуулал үнэн зөв явагдаж байна уу? 
3. Улирал бүрээр НӨАТ олгох шийдвэр хэр тохиромжтой байна вэ? 
4. НӨАТ-ын тухай хуульд шинэчлэлт оруулах зүйл заалт байна уу?