Эрүүл мэндийн салбарт блокчэйн технологи ашиглаж буй 5 гол хэрэглээ

1. Нийлүүлэлтийн сүлжээний баталгаажуулалт:

Бусад олон салбарын нэгэн адил эрүүл мэндийн салбарын томоохон асуудал бол эмнэлгийн бүтээгдэхүүний жинхэнэ эсэхийг баталгаажуулах явдал юм. Бүтээгдэхүүнийг үйлдвэрлэлийн цэгээс болон нийлүүлэлтийн үе шат бүрд хянахын тулд блокчэйнд суурилсан системийг ашиглах нь худалдан авагчдад худалдан авч буй бараагаа жинхэнэ, хуурамч гэдгийг хянах боломжийг олгодог.

MediLedger бол жороор олгодог эмийн нийлүүлэлтийн сүлжээг хамарсан компаниудад  эмийн жинхэнэ, хуурамч эсэх, мөн дуусах хугацаа болон бусад чухал мэдээллийг шалгах  боломжийг олгодог блокчейн протоколын тэргүүлэх жишээ юм. MediLedger сүлжээ нь блокчэйн технологи болон дэвшилтэт криптографийг хослуулсан  бөгөөд эрүүл мэндийн салбарын худалдааны түнш гүйлгээний нууцлалыг хамгаалах платформ юм.

      2. Цахим эрүүл мэндийн бүртгэл

Улс орон, бүс нутаг бүрийн эрүүл мэндийн систем мэдээллийн асуудал нь  өвчтөнүүд болон тэдний эрүүл мэндийн тусламж үйлчилгээ үзүүлэгчид буюу эмч өвчний  түүхийг бүрэн бус гэж үздэг байна. Жонс Хопкинсийн их сургуулиас АНУ-д нас баралтын  гурав дахь гол шалтгаан нь төлөвлөсний дагуу гүйцэтгээгүй , эсвэл өвчтөний эрүүл  мэндийн түүхийг орхигдуулсан алдаа зэрэг муу зохицуулалттай тусламж үйлчилгээний үр  дүнд бий болсон эмнэлгийн алдаа болохыг харуулсан судалгааг нийтэлжээ. 

Medicalchain бол блокчейнээр ажилладаг эрүүл мэндийн бүртгэлд зориулсан эрүүл мэндийн үйлчилгээ үзүүлэгчидтэй буюу эмнэлэгтэй хамтран ажилладаг компань юм.  

Энэ асуудлыг шийдвэрлэх нэг боломжит шийдэл нь эмнэлгийн бүртгэлд зориулсан  блокчэйнд суурилсан систем юм. Өвчтөний бодит мэдээлэл блокчэйнд ордоггүй, харин  блокчэйнд хавсаргасан шинэ бичлэг бүр нь эмчийн тэмдэглэл, жор эсвэл лабораторийн үр  дүн зэрэг өвөрмөц хэш функц болох жижиг мөр болж хувирдаг. Хэш функц бүр өвөрмөц  бөгөөд зөвхөн өгөгдлийг эзэмшдэг хүн буюу энэ тохиолдолд өвчтөн зөвшөөрөл өгсөн  тохиолдолд л тайлж болно. 

        3. Даатгал болон нийлүүлэлтийн сүлжээний төлбөр тооцооны ухаалаг гэрээ 

Chronicled, Curisium зэрэг компаниуд блокчэйнд суурилсан системээр хангадаг  бөгөөд эмийн компаниуд, эмнэлгийн хэрэгслийн үйлдвэрүүд, бөөний худалдаачид,  даатгагчид, эрүүл мэндийн үйлчилгээ үзүүлэгч зэрэг эрүүл мэндийн салбарын янз бүрийн хэрэглэгч өөрсдийн байгууллага гэдгээ баталгаажуулах, гэрээний дэлгэрэнгүй мэдээллийг  бүртгэх, гүйлгээг хянах боломжтой. Энэ төрлийн орчин нь ханган нийлүүлэлтийн  сүлжээний менежментээс нэг алхам давж, эрүүл мэндийн салбарын худалдааны түншүүд  болон даатгалын байгууллагуудад бүрэн дижитал, зарим тохиолдолд автоматжуулсан  гэрээний нөхцлөөр ажиллах боломжийг бүрдүүлдэг байна үйлдвэрлэгч, дистрибьютер, 

эрүүл мэндийн байгууллагуудын хооронд дижитал гэрээ байгуулснаар Тоглогч бүр өөр  өөрийн гэсэн гэрээний хувилбартай байхаас илүү блокчейн дэвтэрт нэвтэрсэн нь жороор олгодог эм болон бусад барааны төлбөрийг буцаан авах нэхэмжлэлийн маргааныг эрс  багасгаж чадна. Chronicled-ийн мэдээлснээр, үнийн бүтэц нь ихэвчлэн өөрчлөгддөг тул  эдгээр тоглогчдын хооронд жил бүр нэг сая гаруй нөхөн төлбөр нэхэмжилдэг бөгөөд  үүний 5 гаруй хувь нь маргаантай байдаг тул гар аргаар удаан шийдвэрлэх шаардлагатай  байдаг. Хэрэглэгч бүр өөр өөрийн хувилбартай гэрээ байгуулахын оронд үйлдвэрлэгчид,  түгээгчид болон эрүүл мэндийн байгууллагуудын хооронд дижитал гэрээг блокчэйн  дэвтэрт бүртгүүлснээр тэд жороор олгодог эм болон бусад барааны төлбөрийн нөхөн  төлбөртэй холбоотой маргааныг эрс багасгах боломжтой. 

       4. Эмнэлгийн ажилтны итгэмжлэлийн баталгаажуулалт 

Эмнэлгийн бүтээгдэхүүний гарал үүслийг хянахтай адил блокчэйн технологийг  эмнэлгийн мэргэжилтнүүдийн туршлагыг хянахад ашиглаж болох бөгөөд үүнд итгэмжлэгдсэн эмнэлгийн байгууллага, эрүүл мэндийн байгууллагууд ажилтнуудынхаа  итгэмжлэлийг бүртгэж, улмаар эрүүл мэндийн байгууллагуудад ажилд авах үйл явцыг  оновчтой болгоход тусалдаг. АНУ-д суурилсан ProCredEx компани нь R3 Corda блокчейн  протоколыг ашиглан ийм эмнэлгийн итгэмжлэлийн баталгаажуулалтын системийг  боловсруулсан. 

       5. Алсын зайнаас хянах (IoT) аюулгүй байдал 

Дижитал эрүүл мэндийн хамгийн том чиг хандлагын нэг бол алсын зайнаас хянах мөн  хагалгаа хийх шийдлүүдийг нэвтрүүлэх явдал бөгөөд өвчтөний амин чухал шинж  тэмдгийг хэмжих бүх төрлийн мэдрэгчийг эрүүл мэндийн мэргэжилтнүүдэд өвчтөний  эрүүл мэндийг илүү сайн харуулах, илүү идэвхтэй, урьдчилан сэргийлэх тусламж  үйлчилгээ үзүүлэхэд туслах зорилгоор ашиглаж байна. 

        Блокчейн систем нь IoT төхөөрөмжүүдийг алсаас хянахад хэрхэн туслах вэ? 

Блокчейн криптограф нь зөвхөн зөвшөөрөгдсөн талууд блокчэйн дээр өвөрмөц хэш функц  хэлбэрээр хадгалагдсан хувийн өгөгдөлд хандах боломжийг олгодог (эх мэдээлэлд гарсан  аливаа өөрчлөлт нь өөр хэш функцийг үүсгэх бөгөөд хэрэглэгч тодорхой багц криптограф  түлхүүртэй байх ёстой). Өвчтөний мэдээллийг блокчейн дэвтэрт (хэш функц хэлбэрээр)  бүртгэсний дараа бүх хадгалагдсан хуулбарт хандах шаардлагатай тул өөрчлөх нь бараг  боломжгүй юм. 

Хамгийн сүүлийн үеийн дижитал технологийг нэвтрүүлснээр эрүүл мэндийн салбар нь  өвчтөний эрүүл мэндийн өгөгдлийг оновчтой удирдах (тэмдэглэх, хадгалах, хуваалцах)- аас эхлээд зүүж болдог (wearable) төхөөрөмжөөр дамжуулан эрүүл мэндийн ерөнхий  мэдээллийг автоматаар хянах зэрэг жинхэнэ утгаараа өгөгдөлд суурилсан салбар болон  хувирч байна.